Opens in a new tab

الخدمات

كلشي اللي محتاج البيزنس ديالك، مبني على WordPress

من موقع تعريفي حتى منصة فيها حسابات وخلاص. وملي يتلانسا الموقع، كنبقاو معاك ف الصيانة والـ SEO.

daraitali.com
موقع Dar Ait Ali على الديسكتوب
موقع Âme d'Aventure على التليفون
حجز مباشربلا كوميسيون ديال المنصات
WordPressمن الموقع حتى المنصة

شنو كنصاوبو

ختار اللي كيناسب البيزنس ديالك

كل خدمة عندها هدف واضح: مبيعات، حجوزات، طلبات ولا منصة كتخدم.

01

المتاجر الإلكترونية

كنبنيو متاجر سريعة وساهلة فالتسيير، للمنتجات العادية، المنتجات الرقمية والتحميلات، وحتى الأسواق اللي فيها بزاف ديال البائعين.

  • صفحات منتجات واضحة وسريعة
  • منتجات عادية، رقمية وتحميلات
  • إمكانية الخلاص أونلاين ولا عند الاستلام
  • إيميلات أوتوماتيكية للطلبات
  • تتبع الطلبات والمخزون
  • لوحة تحكم ساهلة للمنتجات والطلبات

WordPress · WooCommerce

02

أنظمة الحجز والمواعيد

نظام حجز مربوط بالموقع ديالك: الكليان كيشوف التواريخ ولا المواعيد الخاوية، كيحجز مباشرة، وكيوصلو التأكيد بالإيميل. وإلا بغيتي، نقدرو نزيدو الخلاص أونلاين.

  • كالندرية بالتواريخ والأثمنة
  • مخزون مشترك (خيام، بيوت…)
  • مواعيد وكراء
  • إمكانية الخلاص أونلاين
  • تأكيد الحجز بالإيميل
  • لوحة تحكم بسيطة للحجوزات

JetBooking · WooCommerce

03

مواقع الشركات وصفحات الهبوط

مواقع تعريفية واضحة وسريعة كتعرّف بالخدمات ديالك وكتبني الثقة، وصفحات هبوط مركزة للحملات والعروض.

  • صفحات خدمات واضحة
  • صفحات هبوط للحملات
  • فورم ديال الطلبات
  • زر WhatsApp
  • موقع سريع على التليفون
  • SEO أساسي

WordPress · Bricks · Elementor

04

Portfolio ومواقع إبداعية

للمصورين، المصممين والمعماريين: موقع نقي كيخلي الخدمة ديالك هي اللي تهضر، وكيسهل على الكليان يطلبك.

  • معرض مشاريع بالفلتر
  • صفحة لكل مشروع
  • تصاور سريعة ومضغوطة
  • فورم ديال الطلبات
  • تصميم نقي كيبين الخدمة

Figma · WordPress

05

الصيانة، السرعة و SEO

كنتهلاو ف الموقع ديالك من بعد الإطلاق: تحديثات، حماية، سرعة و SEO، وربط مع الأدوات اللي خدام بيها.

  • تحديثات WordPress والبلوجينات
  • باكاب للموقع
  • حماية وسرعة مع Cloudflare
  • متابعة الظهور ف Google
  • الربط مع الأدوات
  • تصليحات صغيرة

Cloudflare · Search Console

الطريقة

4 مراحل، بلا مفاجآت

نفس الطريقة ف كل خدمة: واضحة من الأول، وكتعرف فين وصلنا ف كل مرحلة.

01

نهضرو

مكالمة باش نفهمو البيزنس ديالك، الهدف والميزانية.

02

نصمّمو

تصميم واضح لكل صفحة، كتشوفو وكتعطي رأيك قبل البرمجة.

03

نبنيو

كنبنيو الموقع على WordPress، سريع، آمن وساهل تسيرو.

04

نطلقو

كنطلقو الموقع، كنسلموه ليك، وكنبقاو معاك من بعد.

الأسئلة

سول اللي بغيتي

شمن خدمة مناسبة ليا؟

إلا كتبيع منتجات، المتجر. إلا كتبيع ليالي ولا مواعيد، نظام الحجز. إلا بغيتي الناس يعرفوك ويتواصلو معاك، موقع الشركة. إلا محتاج حسابات، اشتراكات ولا بيانات منظمة، المنصة. وإلا ما عرفتيش، نعاونوك تختار الحل المناسب.

واش نقدر نجمع بزوج خدمات؟

إيه. تقدر تجمع موقع + حجز، ولا متجر + صيانة. كنصاوبو عرض واحد على حساب اللي محتاج.

علاش WordPress ماشي Wix ولا Shopify؟

WordPress كيعطيك تحكم أكبر ف الموقع ومرونة ف التصميم والوظائف، وتقدر تبدل الاستضافة بلا ما تبقى مربوط بمنصة وحدة.

واش نقدر نبدل المحتوى بوحدي من بعد؟

إيه. كنبنيو على WordPress بلوحة تحكم واضحة، باش تقدر تبدل الصفحات، المنتجات ولا الحجوزات بوحدك.

شنو كيوقع من بعد ما يتلانسا الموقع؟

كنبقاو معاك من بعد الإطلاق، وإلا بغيتي، خدمة الصيانة كتخلي الموقع محدّث ومحمي.